向兩位球壇長春樹致敬

BY:KEN

唔知大家有無睇過2002年日韓世界盃，果陣筆者仲讀緊小學，但果陣老母送左隻PC GAME俾我，叫FIFA 日韓世界盃。呢隻GAME我打得好上癮，最重要係我開始左睇波。我好鍾意用瑞典，前面一個高大拍住一個把握高，仲有個高速推進既翼，就係瑞典三劍俠，拿臣、伊巴謙莫域同龍格堡。拿臣係我足球既偶像，幫巴塞攞歐冠，亦都協助曼聯攞英超。拿臣退役後，伊巴謙成為我足球既偶像，當時他以35歲加盟曼聯，立即為曼聯攞英足盃及歐霸的冠軍，上年更40歲高齡帶領AC米蘭成功復興攞到意甲冠軍，共同點係這兩支球隊都在迷途上，要成為領袖重振聲威談可容易，技術上C朗及美斯更勝他，但以感染力黎講，我覺得伊巴更勝一籌，今日宣佈退役，有點可惜但亦替他高興，至少可免了球場上的病痛。但以伊巴既性格，做教練亦非常合適他，好快應該會從新角度出發。

另一位長春樹係祖亞昆，呢位前華倫西亞雙翼之一，雖然未攞過聯賽冠軍，但攞過三次既國王盃冠軍，最令人難忘係上年40歲再為貝迪斯重攞十七年後既國王盃，而兩次他都在陣內，今年他做已宣佈掛靴，所以通常後備落場指點後輩。

2002世界盃班底又少兩人了，現役只剩兩人，包括最出名既神龍保方，另一位是無乜人識既Carlos Kameni。但竟然有位現役無打2002，但打過1998的，大家知係邊個嗎?